【無限體力】英超跑動距離頭十位球員！
1080
英超作為世界最受歡迎嘅足球聯賽，比賽強度總係會非常高，體能要求亦比其他聯賽高出不少。喺比賽入面，無論係進攻定係防守球員都總係要不停跑動，以尋求更緊密嘅迫搶，就係咁有唔少球員基本上每場比賽都跑超過10km。咁究竟目前為止，喺英超入面跑動最多嘅球員又係邊個呢？
對於唔少球迷心目中，車路士防守中場簡迪可以話係「無限氣」嘅代表，此前有球迷曾以「地球上7成係由海上覆蓋，其餘則由簡迪覆蓋」黎形容簡迪，可以想像呢位中場球員絕對係不斷跑動的。不過，雖然簡迪嘅球場覆蓋率可以話係數一數二，但係喺今次統計入面，呢位藍軍大將卻只係排名第3位。
咁究竟邊個係第一位？答案係簡迪嘅隊友法比加斯。喺唔少球迷心目中，法比加斯喺球場上嘅跑動並唔多，甚至有唔少人批評佢嘅表現。不過，實際經過統計發卻發現，法比加斯竟然每仗平均跑動12.88km，係全英超之冠，這代表雖然佢嘅表現可能未如理想，但佢絕對係球場上最勤力嘅球員之一。
英超球場覆蓋距離頭十位球員(前7輪)：
1、法比加斯(車路士) - 12.88km
2、積洛迪古斯(西布朗) - 12.56km
3、簡迪(車路士) - 12.39km
4、哥斯(白禮頓) - 12.37km
5、安祖舒文(般尼茅夫) - 12.21km
6、祖阿倫(史篤城) - 12.18km
7、積確克(般尼) - 12.15km
8、馬高斯阿朗素(車路士) - 12.1km
9、迪尼阿里(熱刺) - 12.04km
10、巴利(西布朗) - 12.01km